ಕನಕಗಿರಿ,ಸೆ,23-
ಪಟ್ಟಣದ ಐತಿಹಾಸಿಕ ಶ್ರೀ ಕನಕಾಚಲಪತಿ ದೇವಾಲಯದಲ್ಲಿ ಸೆ,23, 2026ರ ಮಂಗಳವಾರದಂದು ದೇವಸ್ಥಾನದ ಹುಂಡಿ ಎಣಿಕೆ ಕಾರ್ಯವನ್ನು ಯಶಸ್ವಿಯಾಗಿ ನೆರವೇರಿಸಲಾಗಿದೆ.
ದೇವಸ್ಥಾನದ ಆವರಣದಲ್ಲಿ ನಡೆದ ಈ ಪ್ರಕ್ರಿಯೆಯು ತಾಲೂಕಿನ ತಹಸೀಲ್ದಾರರ ಸಾರಥ್ಯದಲ್ಲಿ ಸಂಪನ್ನಗೊಂಡಿತು. ಹುಂಡಿ ಎಣಿಕೆಯ ನಂತರ ಲಭಿಸಿದ ಒಟ್ಟು ಆದಾಯದ ಮೊತ್ತವು ₹9,30,470.00/ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಈ ಹುಂಡಿಯಲ್ಲಿನ ನಗದು ಹಣವನ್ನು ಹಗಲು ಹೊತ್ತಿನಲ್ಲೇ ಎಣಿಕೆ ಮಾಡಲಾಯಿತು.
ಹುಂಡಿ ಎಣಿಕೆಯಲ್ಲಿ ಭಾಗವಹಿಸಿದ್ದ ಎಲ್ಲರ ಉಪಸ್ಥಿತಿಯಲ್ಲಿ, ಹಣವನ್ನು ಎಣಿಸಿ, ನಂತರ ದೇವಸ್ಥಾನದ ಖಾತೆಗೆ ಜಮಾ ಮಾಡಲು ಸೂಕ್ತ ಭದ್ರತಾ ವ್ಯವಸ್ಥೆಗಳನ್ನು ಕೂಡ ಕೈಗೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ದೇವಸ್ಥಾನಕ್ಕೆ ಭೇಟಿ ನೀಡಿದ ಭಕ್ತರು ಅರ್ಪಿಸಿದ ಹರಕೆಗಳು ಮತ್ತು ಕಾಣಿಕೆಗಳನ್ನು ಹೀಗೆ ಹುಂಡಿ ಮೂಲಕ ಸಂಗ್ರಹಿಸಿ, ಪಾರದರ್ಶಕತೆಯಿಂದ ಎಣಿಕೆ ಮಾಡಲಾಗಿದೆ.
ಈ ಹುಂಡಿ ಎಣಿಕೆ ಕಾರ್ಯದಲ್ಲಿ ತಹಸೀಲ್ದಾರ ಚಂದ್ರಶೇಖರ್ ಗಾಳಿ, ದೇವಸ್ಥಾನದ ಸ್ಥಾಪಕ ಕಾರ್ಯದರ್ಶಿ ಸಿದ್ದಲಿಂಗಯ್ಯ ಸ್ವಾಮಿ ಹಿರೇಮಠ, ಸೇರಿದಂತೆ, ತಹಸೀಲ್ದಾರ ಕಾರ್ಯಾಲಯದ ಸಿಬ್ಬಂದಿ, ಸ್ಥಳೀಯ ಪೊಲೀಸ್ ಸಿಬ್ಬಂದಿಗಳು ಮತ್ತು ದೇವಸ್ಥಾನದ ಸಿಬ್ಬಂದಿಗಳು, ಹಾಗೂ ಸಾರ್ವಜನಿಕರು, ಭಕ್ತರು ಪಾಲ್ಗೊಂಡಿದ್ದರು.
